Conference Overview

ဒီနှစ် ညီလာခံမှာတော့  စိတ်ကျန်းမာရေးနဲ့ ပတ်သတ်ပြီး မတူညီတဲ့နေရာဒေသအသီးသီး ၊ နောက်ခံအသီးသီးက တတ်ကျွမ်းနားလည်မှုရှိတဲ့သူများနဲ့အတူပါဝင်ဆွေးနွေးခွင့်ရရှိပြီး အဓိပ္ပာယ်ရှိတဲ့ အထောက်အကူပြုစကားဝိုင်းဖြစ်အောင် ပြင်ဆင်ထားပါတယ်။ ပါဝင်တက်ရောက်သူတွေအနေနဲ့လည်း ကိုယ့်ရဲ့အတွေ့အကြုံတွေကို မျှဝေခွင့်ရမယ့်အပြင် စိတ်ကျန်းမာရေးဆိုင်ရာအခွင့်အရေးတွေကို တတ်ကျွမ်းနားလည်တဲ့သူတွေနဲ့အတူ ပါဝင်ဆွေးနွေးအဖြေရှာခွင့်ရရှိမှာလည်းဖြစ်ပါတယ်။

Conference Structure

ဒီနှစ်ညီလာခံကို အပိုင်း(၃) ပိုင်းနဲ့ ကျင်းပပြုလုပ်သွားမှာပဲဖြစ်ပါတယ်။

ပထမပိုင်းမှာတော့ Inner Peace ရင်တွင်းငြိမ်းချမ်းရေးနဲ့ ပြန်လည်ကုသရေးဆိုင်ရာအကြောင်းအရာများကို ဆွေးနွေးသွားမှာဖြစ်ပါတယ်။။ ရင်တွင်းငြိမ်းချမ်းခြင်းက တစ်ဦးချင်းဆီတိုင်းအတွက် အင်မတန်မှ အရေးကြီးလှပါတယ်။ အခုလိုအဘက်ဘက်ကနေ ခက်ခဲကြပ်တည်းနေတဲ့ အချိန်ကာလကြီးမှာ နေ့တိုင်းလိုလို ကြုံတွေ့နေရတဲ့ ဖိအားများကို ကိုယ်တိုင်ဖြေရှင်းနိုင်ရန်၊ နေ့စဥ်ဘဝကို အဟန့်အတားဖြစ်အောင် ပြုလုပ်နေတဲ့ အပြုအမူတွေကိုလျှော့ချနိုင်ရန်နှင့် ဘဝကို စစ်မှန်လာအောင် ပြန်လည်အသက်သွင်းနိုင်မယ့်အရာဖြစ်တာကြောင့်  ညီလာခံရဲ့ ပထမဆုံးနေ့ ပထမဆုံးအပိုင်းမှာထည့်သွင်းထားပါတယ်။

ဒုတိယပိုင်းမှာတော့ Community Peace and Resilience (လူထုအတွင်း ငြိမ်းချမ်းရေးနဲ့ စိတ်ဓာတ်ကြံ့ခိုင်မှုတည်ဆောက်ခြင်း)

ပထမနေ့ ဒုတိယပိုင်းမှာဆိုရင်တော့​ Community-based mental health approachesများနဲ့ပတ်သက်ပြီးဆွေးနွေးသွားမှာဖြစ်ပါတယ်။

ဒုတိယနေ့မှာတော့  National Peace, Community Relationships, and Leadership

ဒုတိယနေ့မှာဆိုရင်တော့ လက်ရှိ​ လူ့အဖွဲ့အစည်းနှင့် ခေါင်းဆောင်မှုများ အပေါ် စိတ်ကျန်းမာရေးက ဘယ်လိုသက်ရောက်မှုရှိနိုင်မလဲဆိုတာတွေအပြင် တစ်ဦးချင်းစီရဲ့ ရင်တွင်းငြိမ်းချမ်းရေးနဲ့ လူထုအတွင်း ငြိမ်းချမ်းရေးနဲ့ စိတ်ဓာတ်ကြံ့ခိုင်မှုတည်ဆောက်ရင်း နောက်ဆုံး ပြည်တွင်း ငြိမ်းချမ်းမှုကို မျှော်မှန်းကာ အခုလက်ရှိ မြန်မာပြည်တွင်းမှာ ကြုံတွေ့ခံစားနေရတဲ့ နိုင်ငံရေးအခြေအနေတွေနဲ့ လူမှုပြဿနာတွေကို အတူရင်ဆိုင်ကျော်ဖြတ်နိုင်မယ့် နည်းလမ်းတွေအကြောင်း မျှဝေဆွေးနွေးသွားမှာပဲ ဖြစ်ပါတယ်။

ဘာကြောင့် တက်ရောက်သင့်တာလဲ ?

• အခုလို ကာလကြီးမှာ ကျွန်မတို့အနေနဲ့တစ်စိတ်တစ်ပိုင်းအနေဖြင့်  စိတ်ကျန်းမာရေးကို ကူညီ‌ဖေးမပေးနိုင်ရန်

• နယ်ပယ်အစုံက ကွဲပြားခြားနားတဲ့ စိတ်ကျန်းမာရေးဆိုင်ရာ ကျွမ်းကျွင်သူများဆီကနေ အတွေးအခေါ်တွေ ၊ မှန်ကန်ပြီး ထိရောက်မှုရှိတဲ့ နည်းလမ်းတွေနှင့် ကျွမ်းကျင်သူများနှင့်ပါ အတူဆွေးနွေးပြီး လက်တွေ့အသုံးချနိုင်ရန်

• ဒါ့အပြင် စိတ်ကျန်းမာရေးကို စိတ်ဝင်စားမှုရှိကြတယ့် ကမ္ဘာအရပ်ရပ်က မြန်မာပြည်ဖွားတိုင်းရင်းသားများနှင့်ပါ အတူပူးပေါင်းလုပ်ဆောင်ပြီး ဆက်ဆံရေးတွေပိုမိုတိုးတက်လာစေရန်၊ ကျွန်မတို့တစ်တွေရဲ့ ကိုယ်ပိုင်အတွေ့အကြုံတွေကို မျှဝေအပြီးနောက် လက်တွေ့အသုံးချပြီး အကူအညီများပေးနိုင်ရန်