Jue Jue’s Safe Space သည် စစ်ဘေးနှင့် သဘာဝဘေးဒဏ်သင့် လူမှုအသိုင်းအဝိုင်းများအတွက် ရေတိုရှင်သန်ရေးနှင့် ရေရှည်တည်ငြိမ်ရေးကို ရည်ရွယ်၍ ဘက်စုံလူသားချင်းစာနာထောက်ထားမှုဆိုင်ရာ ကူညီကယ်ဆယ်ရေးလုပ်ငန်းများကို လုပ်ဆောင်ပေးလျက်ရှိပါသည်။

၂၀၂၁ ခုနှစ်မှ ၂၀၂၅ ခုနှစ်အတွင်း Jue Jue’s Safe Space သည် မြန်မာနိုင်ငံနှင့် ထိုင်းနိုင်ငံတစ်လွှားတွင် အမေရိကန်ဒေါ်လာ ၉၁,၇၁၀ ဖိုးရှိသော လူသားချင်းစာနာထောက်ထားမှုဆိုင်ရာအကူအညီများကို ပေးအပ်ခဲ့ပြီး အရေးပေါ်ဆေးဘက်ဆိုင်ရာအကူအညီများမှသည် ရေရှည်တည်တံ့သောလူမှုအသိုက်အဝန်း အခြေခံအဆောက်အအုံများဖော်ဆောင်ပေးသည်အထိ တိုးမြှင့်ဆောင်ရွက်နိုင်ခဲ့ပါသည်။ ကျွန်ုပ်တို့၏ ပံ့ပိုးကူညီမှုများသည် ချင်းပြည်နယ်နှင့် ကရင်နီပြည်နယ်ရှိ နယ်လှည့်ဆေးခန်းများနှင့် ဆေးဝါးကုသမှုဆိုင်ရာအထောက်အပံ့များကိုရရှိစေခဲ့သည့်အပြင် စစ်ဘေးရှောင်စခန်းများအတွက်အရေးကြီးသော ငှက်ဖျားရောဂါကုသမှုနှင့် မရှိမဖြစ်လိုအပ်သောအသုံးအဆောင်ပစ္စည်းများကိုလည်းပေးအပ်နိုင်ခဲ့ပါသည်။ ယခုအခါ ကျွန်ုပ်တို့၏ ရည်မှန်းချက်ကိုပိုမိုချဲ့ထွင်ကာ စစ်ဘေးရှောင်ပြည်သူများ၏ကျန်းမာရေးနှင့် တည်ငြိမ်ရေးအတွက် အမြဲတမ်းနေအိမ်များတည်ဆောက်ပေးခြင်းနှင့် ရေတွင်းများ၊ ရေကန်များနှင့် ဇီဝသဲရေစစ်ကန်များအပါအဝင် သန့်ရှင်းသောသောက်သုံးရေရရှိရေးလုပ်ငန်းများကိုပါ ရေရှည်စီမံကိန်းများအဖြစ်လုပ်ဆောင်ပေးလျက်ရှိပါသည်။