Jue Jue’s Safe Space အဖွဲ့အစည်းသည် မဲဆောက်မြို့နေ မြန်မာ့အသိုင်းအဝိုင်းအတွက် စိတ်ကျန်းမာရေး စောင့်ရှောက်မှုနဲ့ စိတ်ပိုင်းဆိုင်ရာ ပံ့ပိုးမှုတွေကို ကျွမ်းကျင်စွာ ပေးအပ်နေတဲ့ ယုံကြည်စိတ်ချရတဲ့ အဖွဲ့အစည်းတစ်ခု ဖြစ်ပါတယ်။ JJSS အနေဖြင့် အပတ်စဉ် စနေနေ့တိုင်းမှာ "Tea Talk" Emotional Support Groups လက်ဖက်စကားဝိုင်းများပြုလုပ်ပေးနေပြီး၊ မဲဆောက်မြို့နေလူထုအတွက် စိတ်ချလုံခြုံစွာ ရင်ဖွင့်ပြောဆိုနိုင်ဖို့၊ အချင်းချင်းချိတ်ဆက်နိုင်ဖို့နဲ့ အပြန်အလှန်ကူညီပံ့ပိုးနိုင်ဖို့ အတွက်လုံခြုံစိတ်ချရတဲ့ စကားဝိုင်းတွေကို အပတ်စဉ် စနေနေ့ မနက်(၁၀)နာရီတိုင်း၊ Wild Flower Community Centre နဲ့ပူးပေါင်းပြီး ပုံမှန်ပေးအပ်လျက်ရှိပါတယ်။

ဒါ့အပြင် Jue Jue’s Safe Space သည် Joy House Organization နဲ့ ပူးပေါင်းပြီး လစဉ် စိတ်ကျန်းမာရေးဆိုင်ရာ သင်တန်းတွေကိုလည်း ပြုလုပ်ပေးလျက်ရှိပါတယ်။ သင်တန်းမှာဆိုရင် လိုင်စင်ရပြီး အရည်အချင်းပြည့်မီတဲ့ စိတ်ကျန်းမာရေး ပညာရှင်တွေကိုယ်တိုင် ရေးဆွဲထားတဲ့ လက်တွေ့ကျတဲ့ သင်ရိုးညွှန်းတမ်းများ (evidence based mental health curriculum) အသုံးပြုထားပါတယ်။ Jue Jue’s Safe Space ရဲ့ ရည်ရွယ်ချက်ကတော့ မြန်မာပြည်ဖွားတိုင်းရင်းသားအားလုံးရဲ့ စိတ်ကျန်းမာရေးဆိုင်ရာ ဗဟုသုတတွေကို တိုးတက်စေဖို့၊ လက်တွေ့ကျတဲ့ စိတ်ဖိစီးမှုဖြေလျှော့နည်းတွေကို သင်ကြားပေးဖို့နဲ့ စိတ်ပိုင်းဆိုင်ရာ စိန်ခေါ်မှုတွေကို ရင်ဆိုင်ဖြေရှင်းနိုင်မယ့် စွမ်းဆောင်ရည်ကို မြှင့်တင်ပေးဖို့ ဖြစ်ပါတယ်။