About Us
(who we are)

Jue Jue's Safe Space ဟာ မြန်မာပြည်ဖွားတိုင်းရင်းသားအားလုံးအတွက် စိတ်ကျန်းမာရေး သင်တန်းများ၊ ဝန်ဆောင်မှုများနှင့် လှုပ်ရှားမှုများကို မြန်မာနိုင်ငံတွင်းသာမက ထိုင်းနိုင်ငံနှင့် အမေရိကန်ပြည်ထောင်စု တွင်လည်း စဉ်ဆက်မပြတ် ဆောင်ရွက်လျက်ရှိပါတယ်။ Master Degree ပြီးမြောက်ထားသော Qualified ဖြစ်သည့် လိုင်စင်ရ mental health counselor များမှ တစ်ဦးချင်းတိုင်ပင်ဆွေးနွေးမှုများ၊ စုံတွဲရေးရာ တိုင်ပင်ဆွေးနွေးမှုများ၊ မိသားစုရေးရာတိုင်ပင်ဆွေးနွေးမှုများ၊ အဖွဲ့လိုက်တိုင်ပင်ဆွေးနွေးမှုများဖြင့် စိတ်ပိုင်းဆိုင်ရာ ဆွေးနွေးမှုများကိုလည်း ပေးဆောင်လျက်ရှိပါတယ်။ လူငယ်များနှင့် အမျိုးသမီးအဖွဲ့အစည်းများအတွက် free and paid Psychosocial Support (MHPSS) သင်တန်းများနှင့် စိတ်ကျန်းမာရေးလှုပ်ရှားမှုများ ဆောင်ရွက်ပေးလျက်ရှိသည့်အပြင် အကြပ်အတည်းအမျိုးမျိုးကြောင့် စိတ်ထွက်ပေါက်ပိတ်ကာ မိမိကိုယ်ကိုယ်အဆုံးစီရင်ရန် ကြံစည်တွေးတောနေသူများအတွက် မိမိကိုယ်ကိုယ်အဆုံးစီရင်မှုကို ကာကွယ်ပေးသော အခမဲ့ helpline ဝန်ဆောင်မှုနှင့် စိတ်ဖိစီးမွန်းကြပ်နေသူများအတွက် အခမဲ့ တိုင်ပင် ရင်ဖွင့်ဆွေးနွေးနိုင်ဖို့ peer support specialist Helpline များကို (၂၄)နာရီလုံး ဝန်ဆောင်မှုပေးလျက်ရှိပါတယ်။ ကျွန်မတို့ JJSS သည် အမျိုးသမီးဦးဆောင်သောအဖွဲ့အစည်းများ၊ LGBTQ+ နှင့် စစ်ဖြစ်‌ပွားရာနေရာများမှ အဖွဲ့အစည်းများနှင့် အတူတကွ လုပ်‌ဆောင်လျက်ရှိကာ စိတ်ကျန်းမာရေးအခန်းကဏ္ဍကိုဦးဆောင်နေသော အဖွဲ့အစည်း တစ်ခုအနေနဲ့ ရပ်တည်လျက်ရှိပါတယ်။

Why we exist

Our Mission

Jue Jue’s Safe Space ၏ ရည်မှန်းချက်မှာ မြန်မာပြည်ဖွားတိုင်းရင်းသား တစ်ဦးချင်းစီတိုင်း၏ ရင်တွင်းငြိမ်းချမ်းရေး ကိုရှာဖွေဖော်ထုတ်ခြင်းမှ ပြည်တွင်းငြိမ်းချမ်းရေးကို ဖော်ဆောင်နိုင်စေရန် ဖြစ်ပါတယ်။

Our Vision

Jue Jue’s Safe Space ၏ သဘောထား Jue Jue’s Safe Space သည် မြန်မာ့လူမှုအသိုင်းအဝိုင်းကို စိတ်ကျန်းမာရေး ကြံ့ခိုင်စေရန် နှင့် ငြိမ်းချမ်းစွာ ရှင်သန်နေထိုင်နိုင်စေရန်ဖြစ်တယ်။

Our Values

ကျွန်မတို့ JJSS သည် လူမှုတရားမျှတမှုကို တန်ဖိုးထားသော အဖွဲ့အစည်းဖြစ်ပြီး မြန်မာနိုင်ငံတွင် ဖြစ်ပွားနေသည့် ပြည်တွင်းစစ်ကြောင့် စိတ်ပိုင်းဆိုင်ရာ ဝေဒနာခံစားနေရသော လူထုများနှင့် လူမှု အသိုင်းအဝိုင်းများအတွင်း ထုတ်ဖော်ပြောခြင်း မခံရသော လူသားများနှင့် ကမ္ဘာအဝှမ်းရှိမြန်မာ့လူ့ အဖွဲ့အစည်း၏ စိတ်ကျန်းမာရေးကို အလေးပေးတန်ဖိုးထားကာ ကူညီဆောင်ရွက်လျက်ရှိပါတယ်။

Strategic Goals

ကြံ့ခိုင်ပြီး စိတ်ကျန်းမာရေးအားကောင်းသော မြန်မာ့လူထုအသိုက်အဝန်းကို တည်ဆောက်ရန်။
မြန်မာနိုင်ငံ၏ စိတ်ကျန်းမာရေးလှုပ်ရှားမှုတွင် ဦးဆောင်ရန်။
အခြေခံကျန်းမာရေးစောင့်ရှောက်မှု ပရိုဂရမ် များနှင့် ပူးပေါင်းဆောင်ရွက်ရန်။
စိတ်ကျန်းမာရေးကို လူသားအားလုံး လက်လှမ်းမီစေရေး နှင့် မှားယွင်းသော အယူအဆများ လျှော့ချနိုင်မည့် မူဝါဒအပြောင်းအလဲများအတွက် လူထုအသိပေးလှုံ့ဆော်ရန်။
ဒေသခံအဖွဲ့အစည်းများနဲ့ပူးပေါင်းဆောင်ရွက်၍ Jue Jue’s Safe Space အား စိတ်ကျန်းမာရေးအထောက်အပံ့ပြုပေးနိုင်မည့် အဖွဲ့အစည်းတစ်ခုအဖြစ် ဆက်လက်ရပ်တည်ရန်။

Our Teams

Yangon, Myanmar Team

Mae Sot, Thailand Team

Mae Hong Son, Thailand Team

Hawaii, U.S.A Team

Reviews

သင်ကြားဆွေးနွေးမှုတွေ ကprofessional ဆန်ပြီး သင်တန်းသူတွေအပေါ်နည်းစနစ်တကျနားလည်အောင်သင်ပေးနိုင်တာပါဘဲ။စိတ်ပိုင်းဆိုင်ရာကုစားရေးမှာဘယ်လိုသက်သေအချက်အလက်နဲ့ကုစားပေးရမလဲ၊ clients နဲ့ counselor တွေကြားထဲမှာထားရမယ့် ကျင့်ဝတ်တွေအပြင်၊စည်းမျဥ်းစည်းကမ်းများကိုတိတိကျကျသိခွင့်ရခဲ့တယ်။စိတ်ပိုင်းဆိုင်ရာကုစားရေးအကြောင်းအရာကိုလေ့လာရတာကြိုက်တဲ့ကျမအတွက်ဒီသင်တန်းကအင်အားတခုဖြစ်စေခဲ့တာတော့ အမှန်ပါဘဲ။ Thank You Jue Jue's Safe Space & sayarma.

သင်တန်းကာလ တစ်လတာဆိုပေမဲ့ တစ်ဘဝစာအတွက် အထောက်အကူပြုတဲ့သင်တန်းမို့ တွေးမိတိုင်း စိတ်ကျေနပ်ရပါသည်။ ကိုယ့်ကိုယ်ကိုချစ်တတ်မှ၊ self-care လုပ်တတ်မှ ကိုယ့် ပတ်ဝန်းကျင်ကိုလည်း ပိုပီးကူညီနိုင်မယ်ဆိုတာ သိလာရပါသည်။ self-control ထက် self management က ပိုအရေးကြီးကြောင်း သိလာရပါသည်။ Counselor ကောင်းတစ်ယောက်ရဲ့ Ethic & Responsibilities ၊Type of Counseling ၊ Professional counseling ရဲ့အဓိပ္ပာတွေကို ကောင်းကောင်းလေ့လာသင်ယူခွင့်ရလိုက်ပါသည်။

Evidence Base Mental Health Training ကနေအရင်ဆုံးကိုယ်ကိုကိုယ်ပြန်လည်ဆန်းစစ်နိုင်ခဲ့တယ်။Professional Counseling ဖြစ်ဖို့ စောင့်ထိန်းရမယ့်ကျင့်ဝတ်တွေ၊ ရှောင်ကြဉ်ရမယ့်အရာတွေ၊ လိုက်နာရမယ့်အချက်တွေကိုလည်းသေသေချာချာလေး သင်ယူလိုက်ရပါတယ်။Counseling ဆိုတဲ့ အဓိပ္ပာယ်ကိုလည်း ကွဲကွဲပြားပြားနားလည်လိုက်ရတယ်သင်တန်းကာလတစ်လတာမှာစိတ်ရှည်စွာနဲ့သင်ကြားပေးတဲ့ မဂျူးကိုလည်း ကျေးဇူးအများကြီးတင်ပါတယ်ရှင့်ဒီထက်မကလည်း သင်တန်းလေးတွေ Join ချင်ပါသေးတယ်ရှင့်...

စိတ်ပညာဆိုင်ရာ အသိပညာတွေကို လေ့လာဖို့အတွက် first experience အနေနဲ့ Suicide prevention trainingကို joinဖြစ်ခဲ့ပါတယ်ရှင် လက်တွေ့မှာ မိမိအတွက်သာမက ချစ်ခင်ရတဲ့သူတွေအတွက်ပါ လက်တွေ့ အသုံးချနိုင်မယ့် အသိပညာတွေကိုသင်ယူခွင့်ရခဲ့ပါတယ်ရှင် နောက်ထပ် စိတ်ပညာပိုင်းဆိုင်ရာ ပညာတွေကို လေ့လာချင်တဲ့ inspiration လည်းရခဲ့ပါတယ် ကျေးဇူးတင်ပါတယ်ရှင်

Evidence-Based mental health training လေးက Trainingဆိုတာထက်တယောက်နဲ့တယောက်ရင်းရင်းနှီးနှီးနဲ့ ပြောဆိုဆွေးနွေးကြရတဲ့အတွက်အသိပညာတွေတိုးခဲ့ပါတယ် ဘာလို့လဲဆိုတော့ အတန်းမစခင်ပြုလုပ်ပေးတဲ့ mindfulness activities လေးတွေ self care လုပ်ဖို့အချိန်မပေးနိုင်ခဲ့တဲ့ ကိုယ့်ကို အားအများကြီးပြန်ပြည့်စေခဲ့ပါတယ်စိတ်ကျန်းမာရေးလုပ်ငန်းတွေစမယ့်သူတွေရောလုပ်နေဆဲသူတွေရော တက်ရောက်သင့်တဲ့ သင်တန်းလေးဖြစ်ပါတယ် စိတ်ရှည်လက်ရှည်သင်ကြားပေးတဲ့ ဆရာမကိုအထူးကျေးဇူးတင်ပါတယ်

လူတွေရဲ့ စိတ်ပညာအကြောင်းကို ‌အစထဲကလေ့လာချင်ခဲ့တာ လိုင်းပေါ်တွေမှာလဲ စိတ်ပညာအကြောင်းကို sharing လုပ်ပေးတဲ့pageတွေကတော်တော်ရှားတဲ့အတွက် ဒီဆရာမဂျူးဂျူးရဲ့pageလေးက အရမ်းအရမ်းကိုကောင်းပါတယ်ရှင့်ညီမကတော့ Intensive suicide prevention training batch 2မှာ တက်ရောက်ခဲ့တဲ့သင်တန်းသူပါရှင့်ညီမအားတဲ့အချိန်တွေမှာလဲ volunteer တစ်‌ယောက်အနေနဲ့ တတ်နိုင်တဲ့နေရာကနေပါဝင်သွားပါဦးမယ်ရှင့် နောက်ထပ်တစ်ချိန် Jue Jue's safe space ကို ကျေးဇူးအများကြီးတင်ပါတယ်ရှင့်

Trauma informed Mindfulness training တက်ရတာ အရမ်းအကျိုးရှိပါတယ်။ Mindfulness and meditation ကို familiar ဖြစ်ပေမယ့် Trauma POV ကနေ မကြည့်ဖူးပါဘူး။ သင်တန်းချိန်တွေက safe and warm atmosphereဖြစ်ပါတယ်။ အတန်းဖော်တွေရဲ့ experience sharing ကို နားထောင်ခြင်းကလည်း ကိုယ်မသိ‌တာ၊ မမြင်တာတွေကို ပိုသိမြင်လာစေပါတယ်။ Thank you so much. I am looking forward to learning more from you. Thank you so much Ma Jue and team.

Trauma Informed Mindfulness Therapy သင်တန်းကိုတီချယ်ကတက်ဖို့‌ဖိတ်ခေါ်ခဲ့လို့လဲအရမ်းကျေးဇူးတင်ပါတယ် သင်တန်းတစ်ပတ်အတွင်းမှာရရှိတဲ့အကျိုးကျေးဇူးကတော့ ဘဝတစ်သက်စာပါ တီချယ် အရင်ကကိုယ့်ကို self guilty, self blaming unsatisfactory ဖြစ်ခဲ့သမျှ သင်တန်းတက်ပြီးတဲ့အချိန်မှာကိုယ့်ကိုကိုယ်‌‌ ကိုယ့်ပတ်ဝန်းကျင်ကို တန်ဖိုးထားရမှန်းသိလာတယ် ပိုပြီးပျော်ရွှင်ကျန်းမာတဲ့ဘဝကို ဖန်တီးနိုင်မယ်လို့ ယုံကြည်ပါတယ် Thanks you Tr Jue and JJSS team .See you later soon

ကိုယ် အရင်က မသိခဲ့တဲ့ tips တွေ သတိမမူခဲ့တဲ့ အချက်အလက်တွေ ကို short-training အတွင်းမှာပဲ သိလိုက်ရတယ် Suicide နဲ့ ပတ်သတ်တဲ့ Myth & Fact တွေ အကြောင်းကိုလည်း အရမ်း သဘောကျမိပါတယ် .. Teacherတွေ အကုန်လုံးကို အများကြီး ကျေးဇူးတင်ပါတယ် ရခဲ့တဲ့ knowledge တွေကို လူမှု အကျိုးပြု လုပ်ငန်းတွေမှာ တတ်နိုင်သလောက် ပြန်လည် အသုံးချနိုင်သွားအောင် ကြိုးစားပါ့မယ် I'm really appreciate all of your team.

Jue Jue's Safe Space

About Us (who we are)