Jue Jue's Safe Space

အားလုံးပဲ မင်္ဂလာပါရှင့်

Jue Jue’s Safe Space နဲ့ Wildflowers Community Support Centre တို့ ပူးပေါင်းပြီး အပတ်စဉ်ပြုလုပ်နေကြ Tea Talk – လက်ဖက်စကားအစီအစဉ်လေးကို လာမယ့်စနေနေ့ မနက်ခင်းမှာ ထပ်ပြီး ပြုလုပ်သွားမှာ ဖြစ်ပါတယ်။

 

ရှေးမြန်မာလူမျိုးတွေရဲ့ လက်ဖက်ရည်ကြမ်းစကားဝိုင်းလေးတွေကို Inspired ယူထားတဲ့ ကျွန်မတို့ရဲ့ လက်ဖက်စကားဝိုင်းမှာလည်း မဲဆောက်နေ မြန်မာလူထုတွေ လူကိုယ်တိုင်တက်ရောက်ကြပြီး စိတ်ခံစားချက်တွေကို မျှဝေမယ်၊ အချင်းချင်းအားပေးမယ်၊ အချက်အလက်တွေကို မျှဝေမယ်၊ ပြီးတော့ တစ်ယောက်ကို တစ်ယောက်လက်တွဲကူပြီး နွေးထွေးလုံခြုံတဲ့ ရပ်ဝန်းကိုဖန်တီးနိုင်ဖို့ ရည်ရွယ်ပါတယ်ရှင်။

 

ဒီတစ်ပတ် လက်ဖက်စကားဝိုင်းမှာ အဓိကဆွေးနွေးမယ့်အကြောင်းအရာကတော့ “ကလေးငယ်တွေရဲ့ စိတ်အာဟာရကို ဖြည့်ပေးပါ” ဆိုတဲ့ ခေါင်းစဉ်နဲ့ ဆွေးနွေးမှာ ဖြစ်ပါတယ်။ ကျွန်မတို့တတွေဟာ တခါတလေမှာ ပြင်ပကလာတဲ့စိတ်ဖိအားတွေကြောင့် ကလေးတွေရဲ့ ခံစားချက်ကိုနားလည်ဖို့၊ ကလေးတွေကို အချိန်ပေးဖို့ မေ့နေတတ်ကြပါတယ်။ ကလေးတွေက လူကြီးတွေလိုပဲ လိုချင်တာ ၊ ဖြစ်ချင်တာတွေ ရှိပါတယ်။ သူတို့ဟာ မှန်ကန်တဲ့ဦးဆောင်မှုနောက်က စိတ်အာဟာရတွေကို ဖြည့်ဆည်းနိုင်မှသာ ကောင်းမွန်တဲ့လူသားတစ်ဦးအဖြစ် ကြီးပြင်းလာမှာဖြစ်ပါတယ်။ ကလေးငယ်တွေကို ဘယ်လိုမှန်ကန်တဲ့ စိတ်ဓာတ်တွေမွေးမြူပေးကြမလဲဆိုတာကို ဆွေးနွေးမျှဝေဖို့ ဒီတစ်ပတ်စကားဝိုင်းလေးကို တက်ရောက်ပြီး နွေးထွေးစွာဆုံတွေ့နိုင်ဖို့ ဖိတ်ခေါ်ပါတယ်။