Jue Jue's Safe Space

ကျွန်မတို့တွေ ပြီးခဲ့တဲ့ရက်ပိုင်းကပဲ ( ၁၅ ) ရက်တာ ပါဝင်ဆင်နွှဲခဲ့ကြတဲ့ 15 Days of Fitness Challenge ကို အောင်မြင်စွာ ကျင်းပပြုလုပ်နိုင်ခဲ့ပါတယ်။ 15 Days of Fitness Challenge မှာ Individual Level တစ်ဦးတစ်ယောက်ချင်းရဲ့ ရုပ်နဲ့ စိတ်ပိုင်းဆိုင်ရာ ကျန်းမာဖို့အတွက် မြှင့်တင်ခဲ့တာဖြစ်ပြီး အခုတစ်ခါမှာတော့ မိမိနဲ့ပတ်ဝန်းကျင်အတွက် ထိရောက်တဲ့ Community Level လူထုစိတ်ကျန်းမာရေးကို မြှင့်တင်နိုင်ဖို့အတွက် ရည်ရွယ်တဲ့ Challenge လေး ပြုလုပ်ဖို့ စီစဥ်ထားပါတယ်။

မိမိတို့ရဲ့ စိတ်ကျန်းမာပျော်ရွှင်ဖို့အတွက် ကိုယ်နဲ့အတူ နေ့စဉ်ဖြတ်သန်းတဲ့ လူနေမှုပတ်ဝန်းကျင်ကလည်း ကျန်းမာနေဖို့လိုအပ်ပါတယ်။ ကိုယ်နဲ့အတူရှိနေတဲ့ရပ်ဝန်းမှာ အချင်းချင်းချစ်ခြင်းမေတ္တာတွေနဲ့ ပြည့်နက်ပြီး တစ်ဦးအပေါ်တစ်ဦး နားလည်ဂရုစိုက်ပေးမယ်ဆိုရင် ကျွန်မတို့ရဲ့နေ့ရက်တွေက ပိုပိုပြီး အဓိပ္ပာယ်ရှိလာနိုင်မှာ ဖြစ်ပါတယ်။

ဒါကြောင့် ဘဝရဲ့အနှစ်သာရရှိတဲ့နေ့ရက်တွေရရှိဖို့ ကိုယ့်ရဲ့ရပ်ဝန်းလေး နေကောင်းကျန်းမာအောင် ကိုယ်တိုင်ကစပြီး ဒီchallenge လေးမှာ ပါဝင်ရင်း ဖန်တီးကြရအောင်။

80 Waves of Kindness Challenge လေးမှာ မိမိရဲ့ ပတ်ဝန်းကျင်ကို ကြင်နာမှုနဲ့နွေးထွေးစေတဲ့ လုပ်ဆောင်မှုတွေကို နေ့စဉ်အလိုက် လွယ်ကူပေါ့ပါးစွာ ၈ ရက်တိတိ လုပ်ဆောင်ရမှာဖြစ်ပါတယ်။

မိမိနဲ့ မိမိရဲ့ပတ်ဝန်းကျင် Community မှာ အချင်းချင်း မေတ္တာထားပြီး နွေးထွေးကြင်နာတဲ့ ရပ်ဝန်းတစ်ခုကို အတူတူ တည်ဆောက်ဖို့အတွက် 80 Waves of Kindness Challenge မှာပါဝင်ပါလို့ ဖိတ်ခေါ်လိုက်ပါတယ်။