Jue Jue’s Safe Space is offering Mental Health Strengthening Trainings which we focus on practical wellness, self-care techniques, and fostering a supportive community for everyone who are looking to manage stress or enhance your emotional well-being.ter Campaign” to support war survivors and displaced individuals. In times of prolonged conflict and displacement, a single letter of encouragement can provide the mental resilience needed to keep going. We collect these messages of hope and distribute them directly to those on the ground.
Jue Jue’s Safe Space is happy to host in-person support group activities, providing a warm and confidential setting to share experiences and find strength in community.
Jue Jue’s Safe Space မှ စစ်ဘေးရှောင်ပြည်သူများအတွက် "ခွန်အားပေးမေတ္တာစာစောင်" ကမ်ပိန်းကို ပြုလုပ်လျက်ရှိပါတယ်။ နေရပ်စွန့်ခွာရုန်းကန်နေရသူများ စိတ်ဓာတ်မကျဘဲ ခံနိုင်ရည်ရှိရှိကျော်ဖြတ်နိုင်ရန် သင်၏အားပေးစကားတစ်ခွန်းက ကြီးမားသောခွန်အားဖြစ်စေပါတယ်။ ပေးပို့လာသောမေတ္တာစာစောင်များကို မြေပြင်ရှိစစ်ဘေးရှောင်များထံ တိုက်ရိုက်ဖြန့်ဝေပေးသွားမှာဖြစ်ပါတယ်။
Jue Jue’s Safe Space နှင့် Wild Flower Community Support Centre တို့ ပူးပေါင်း၍ မဲဆောက်ရောက် မြန်မာများအတွက် "လက်ဖက်စကား" Support Group ကို အပတ်စဉ် ဗုဒ္ဓဟူးနေ့တိုင်း ပုံမှန်ပြုလုပ်လျက်ရှိပါသည်။ အပတ်စဉ် မတူညီသော ခေါင်းစဉ်များကိုအခြေခံ၍ မိမိတို့၏အတွေ့အကြုံများနှင့်ရင်ဖွင့်စကားများကို လုံခြုံစိတ်ချရသောပတ်ဝန်းကျင်တစ်ခုတွင် နွေးထွေးစွာဖလှယ်နိုင်ရန်ဖန်တီးပေးထားသည့် စကားဝိုင်းတစ်ခုဖြစ်ပါသည်။
Jue Jue’s Safe Space နှင့် ပိတောက်ဖူး (Padauk Phoo) တို့ပူးပေါင်း၍ စစ်နှင့်ပဋိပက္ခများကြောင့် နေရပ်စွန့်ခွာနေကြရသူများအတွက် စိတ်ပိုင်းဆိုင်ရာပံ့ပိုးကူညီမှုအစီအစဉ်များကိုဆောင်ရွက်ပေးနေပါသည်။ လူကြီးမင်းတို့အနေဖြင့် စိတ်ဓာတ်ခွန်အားများပြန်လည်ရရှိစေရန်၊ အတွေ့အကြုံတူသူများအကြားအပြန်အလှန်ဖေးမကူညီနိုင်ရန်နှင့် ခက်ခဲသောကာလများကိုကြံ့ကြံ့ခံကျော်ဖြတ်နိုင်မည့် စိတ်ပိုင်းဆိုင်ရာကြံ့ခိုင်မှုများရရှိစေရန်ရည်ရွယ်ပါသည်။
Jue Jue’s Safe Space မှ မဲဆောက်မြို့ရှိ မိဘပြည်သူများအတွက် Joy Houseနှင့်ပူးပေါင်း၍ Mental Health Strengthening Training များကို စာတွေ့သာမက လက်တွေ့ဆွေးနွေးမှုများ၊ မိမိကိုယ်တိုင်လေ့လာဆန်းစစ်နိုင်မည့် မေးခွန်းများနှင့် ပျော်ရွှင်စရာလှုပ်ရှားမှုများနှင့်အတူ လေ့လာနိုင်စေရန်ပြုလုပ်ထားပါသည်။
Jue Jue’s Safe Space သည် Social Action for Children and Women (SAW) နှင့် ပူးပေါင်း၍ လူငယ်များအတွက် စိတ်ကျန်းမာရေးမြှင့်တင်မှုအစီအစဉ်များကိုလုပ်ဆောင်ပေးလျက်ရှိပါသည်။ ပျော်ရွှင်စရာကောင်းသောလှုပ်ရှားမှုများမှတစ်ဆင့် လူငယ်များအနေဖြင့် မိမိကိုယ်ကိုရှာဖွေတွေ့ရှိမှုခရီးစဉ်တွင်ကြုံတွေ့ရသည့် စိန်ခေါ်မှုများ၊ အခြားသူများကို ကူညီဖေးမခဲ့သည့်အတွေ့အကြုံများနှင့် မိမိတို့၏ခံစားချက်များကို ပွင့်လင်းလုံခြုံစွာမျှဝေနိုင်ရန် ဖန်တီးပေးထားပါသည်။
Jue Jue’s Safe Space သည် ထိုင်းနိုင်ငံ၊ မယ့်ဟောင်ဆောင်ရှိ Ban Mai Nai Soi Refugee Campတွင် မိမိကိုယ်ကိုအဆုံးစီရင်ခြင်းမှကာကွယ်ရေးသင်တန်းကို ပို့ချခဲ့ပါသည်။ နေရပ်စွန့်ခွာရုန်းကန်နေရသည့် လူမှုအသိုက်အဝန်းများတွင် ကြုံတွေ့ရလေ့ရှိသော စိတ်ပိုင်းဆိုင်ရာဖိအားများကို နားလည်စာနာသောအားဖြင့် စိတ်ဒဏ်ရာ၏ရှေ့ပြေးလက္ခဏာများကိုသိရှိနိုင်ရန်နှင့် အရေးပေါ် စိတ်ပိုင်းဆိုင်ရာကူညီဖေးမမှု (Emotional First Aid) ပေးနိုင်ရန်ရည်ရွယ်ပါသည်။
Jue Jue’s Safe Space သည် ထိုင်းနိုင်ငံ၊ မဲဆောက်မြို့တွင် မိမိကိုယ်ကိုအဆုံးစီရင်ခြင်းမှကာကွယ်ရေးသင်တန်းကို တစ်နှစ်လျှင် (၁) ကြိမ်မှ (၂) ကြိမ်အထိ လူကိုယ်တိုင်တက်ရောက်နိုင်သည့်စနစ်ဖြင့်ပုံမှန်ဖွင့်လှစ်ပေးလျက်ရှိပါသည်။
Jue Jue's Safe Space ရဲ့ Collective Healing Initiatives လုပ်ငန်းစဉ်များထဲမှ Community Well Being လုပ်ဆောင်ချက်တစ်ခုဖြစ်တဲ့ Training Session လေးကို Resilience Women's Creative Network နဲ့ပူးပေါင်းပြီးပြုလုပ်ခဲ့ပါတယ်။
Jue Jue’s Safe Space သည် ပညာရှင်များ၊ ဖေးမကူညီသူများနှင့် ဒေသခံပြည်သူများ အတူတကွဆုံစည်းနိုင်မည့် Annual Mental Health Conferenceကို ကြီးမှူးကျင်းပလျက်ရှိပါသည်။ ဤညီလာခံသည် စိတ်ကျန်းမာရေးဆိုင်ရာဗဟုသုတများကိုမျှဝေရန်၊ လက်ရှိကြုံတွေ့နေရသောစိန်ခေါ်မှုများကိုဆွေးနွေးရန်နှင့် ကျွန်ုပ်တို့၏စိတ်ဓာတ်ခွန်အားများကိုစုပေါင်းမြှင့်တင်ရန်အတွက် အဓိကကျသောဆုံရပ်တစ်ခုဖြစ်ပါသည်။ ကျွန်ုပ်တို့သည် ဤညီလာခံမှတစ်ဆင့် စိတ်ပိုင်းဆိုင်ရာပံ့ပိုးကူညီမှုနည်းလမ်းသစ်များကိုဖော်ဆောင်ပြီး စိတ်ကျန်းမာရေးကိုတန်ဖိုးထားသည့် ပိုမိုခိုင်မာသောကွန်ရက်တစ်ခုတည်ဆောက်ရန်ရည်ရွယ်ပါသည်။
မြေငလျင်သဘာဝ ဘေးအန္တရာယ်တွေကြောင့် လိုအပ်တဲ့နေရာတွေမှာ Humanitarian Aid နဲ့ Mental Health Services တွေပေးဖို့ ပြည်သူ့ဂုဏ်ရည် ဟာဝိုင်အီဌာနခွဲနှင့် Jue Jue’s Safe Space မှ ပူပေါင်းပြီး ရန်ပုံငွေရှာပွဲကိုကျင်းပခဲ့ကြပါတယ်။
ကျွန်ုပ်တို့အဖွဲ့အစည်းသည် ပြည်ပရောက်မြန်မာလူထုအတွက် ယုံကြည်စိတ်ချရသော စိတ်ကျန်းမာရေးဆိုင်ရာအထောက်အကူပြုအဖွဲ့အစည်းအဖြစ်ရပ်တည်ကာ အခက်အခဲများကိုအတူတကွကျော်ဖြတ်ပေးလျက်ရှိပါသည်။ နားလည်စာနာမှုအပြည့်ရှိသောနှစ်သိမ့်ဆွေးနွေးမှုများနှင့် စိတ်ပိုင်းဆိုင်ရာပံ့ပိုးမှုများမှတစ်ဆင့် ပြည်ပတွင်ဘဝသစ်တည်ဆောက်နေရသူများ၏ စိတ်ပိုင်းဆိုင်ရာကြံ့ခိုင်မှုနှင့် ကုစားမှုများအတွက် ဘေးကင်းလုံခြုံသောဝန်းကျင်တစ်ခုကိုဖန်တီးပေးနေပါသည်။
Jue Jue’s Safe Space သည် အမေရိကန်ပြည်ထောင်စုရှိ မြန်မာ့အသိုင်းအဝိုင်းအတွက် ပထမဆုံးအကြိမ်အဖြစ် ကျင်းပသည့် စိတ်ကျန်းမာရေးဆိုင်ရာ အသိပညာပေးဟောပြောပွဲကို ကယ်လီဖိုးနီးယားပြည်နယ်၊ Bay Area တွင် အောင်မြင်စွာကျင်းပပြီးစီးခဲ့ပြီဖြစ်ပါသည်။ ဤဟောပြောပွဲသည် ပြည်ပရောက်မြန်မာမိသားစုများကြုံတွေ့ရသည့် စိတ်ပိုင်းဆိုင်ရာလိုအပ်ချက်များကိုဖေးမကူညီရန်နှင့် အချင်းချင်းချိတ်ဆက်နိုင်ရန်ရည်ရွယ်၍ဆောင်ရွက်ခဲ့ခြင်းဖြစ်ပါသည်။
Jue Jue’s Safe Space သည် အမေရိကန်ပြည်ထောင်စုရှိ မြန်မာ့အသိုင်းအဝိုင်းအတွက် ပထမဆုံးအကြိမ်အဖြစ် ကျင်းပသည့် စိတ်ကျန်းမာရေးဆိုင်ရာ အသိပညာပေးဟောပြောပွဲကို ကယ်လီဖိုးနီးယားပြည်နယ်၊ Bay Area တွင် အောင်မြင်စွာကျင်းပပြီးစီးခဲ့ပြီဖြစ်ပါသည်။ ဤဟောပြောပွဲသည် ပြည်ပရောက်မြန်မာမိသားစုများကြုံတွေ့ရသည့် စိတ်ပိုင်းဆိုင်ရာလိုအပ်ချက်များကိုဖေးမကူညီရန်နှင့် အချင်းချင်းချိတ်ဆက်နိုင်ရန်ရည်ရွယ်၍ဆောင်ရွက်ခဲ့ခြင်းဖြစ်ပါသည်။
Jue Jue’s Safe Space ၏ အမေရိကန်ပြည်ထောင်စုဟောပြောပွဲခရီးစဉ် တတိယပိုင်းအစီအစဉ်အဖြစ် Great Decision Group ၏ ဖိတ်ကြားချက်အရ မြန်မာ့နိုင်ငံရေးအခြေအနေများကို စိတ်ကျန်းမာရေးရှုထောင့်မှဆွေးနွေးတင်ပြခဲ့ပါသည်။ ဤဆွေးနွေးမှုတွင် မြန်မာနိုင်ငံအရေးအတွက် ပိုမိုကောင်းမွန်သောပူးပေါင်းဆောင်ရွက်မှုများပေါ်ပေါက်လာစေရန် စိတ်ပိုင်းဆိုင်ရာပြင်ဆင်မှုများ၏အခန်းကဏ္ဍကို အဓိကထားတင်ပြခဲ့ခြင်းဖြစ်ပါသည်။
စက်တင်ဘာလသည် အပြည်ပြည်ဆိုင်ရာ မိမိကိုယ်ကိုအဆုံးစီရင်ခြင်းမှကာကွယ်တားဆီးရေးလဖြစ်သည်နှင့်အညီ Jue Jue’s Safe Space အနေဖြင့် အမေရိကန်ပြည်ထောင်စု၊ ဟာဝိုင်အီပြည်နယ်တွင် ကျင်းပပြုလုပ်ခဲ့သည့် 'Out Of Darkness' လမ်းလျှောက်ပွဲ၌ ဂုဏ်ယူစွာပါဝင်ဆင်နွှဲခဲ့ပါသည်။ ဤလှုပ်ရှားမှုသည် အခက်အခဲများကြားရောက်ရှိနေသူများအတွက် မျှော်လင့်ချက်အလင်းရောင်ဖော်ဆောင်ပေးရန်နှင့် အသိပညာပေးမှုများမှတစ်ဆင့် အသက်ပေါင်းများစွာကိုကယ်တင်နိုင်ရန်ရည်ရွယ်ပါသည်။
Mental Health Services for Myanmar Communities
helpling Myanmar people since 2021
volunteers from around the world
local and global partnership
MY 
EN