Jue Jue's Safe Space

Jue Jue’s Safe Space ကပြုလုပ်တဲ့ လက်ဖက်စကားအစီအစဉ်လေးကို ဩဂုတ်လ ၂၃ ရက်နေ့ အွန်လိုင်းမှာပြုလုပ်သွားမှာ ဖြစ်ပါတယ်။

ဟိုးရှေးရှေးကတည်းက မြန်မာလူမျိုးတွေဟာ လက်ဖက်ရည်ကြမ်းဝိုင်းမှာ ဝိုင်းဖွဲ့ရင်း သတင်းအချက်အလက်ဝေမျှတာ၊ အချင်းချင်း စိတ်ခွန်အားပေးတာ၊ ရင်းနှီးသူတွေ တွေ့ဆုံစကားပြောကြတာတွေ လုပ်လေ့ရှိပါတယ်။

ကျွန်မတို့ရဲ့ လက်ဖက်စကားဝိုင်းမှာ မိမိတို့ရဲ့စိတ်ခံစားချက်တွေကို မျှဝေမယ်၊ အချင်းချင်းအားပေးမယ်၊ အချက်အလက်တွေကို မျှဝေမယ်၊ ပြီးတော့ တစ်ယောက်ကို တစ်ယောက်လက်တွဲကူပြီး နွေးထွေးလုံခြုံတဲ့ ရပ်ဝန်းကိုဖန်တီးနိုင်ဖို့ ရည်ရွယ်ပါတယ်ရှင်။

ဒီလက်ဖက်စကားဝိုင်းမှာ အဓိကဆွေးနွေးမယ့်အကြောင်းအရာကတော့ “လူအများကြားအထီးကျန်ခြင်း” ပဲဖြစ်ပါတယ်။ တခါတရံမှာ လူအများကြားရောက်နေပေမယ့် ပုံမှန်လို ပြောဆို စားသောက် နေထိုင် လှုပ်ရှားနေပေမယ့် ကိုယ်က သူတို့နဲ့မတူဘဲ သီးသန့်ဖြစ်နေတယ်၊ ကိုယ့်စိတ်ထဲ လေဟာာနယ်လို လစ်ဟာနေတယ်လို့ ခံစားရတဲ့အခါမျိုးတွေ ရှိတတ်ပါတယ်။ ဒီလိုခံစားမှုတွေကို ကိုယ်တိုင်ကြုံဆုံဖူးလား၊ ဘယ်လိုဖြေရှင်းကြလဲဆိုတာကို တက်ရောက်လာသူတွေ ဆွေးနွေးသွားရအောင်နော်။

ဒီစကားဝိုင်းကို Record ယူထားမှာမဟုတ်သလို တက်ရောက်သူတွေအနေနဲ့ မျက်နှာမဖော်ပြဘဲ လွတ်လပ်စွာ ဝင်ရောက် ဆွေးနွေးလို့ရပါတယ်။ တစ်ဦးရဲ့အမြင်ကို တစ်ဦးက ဝေဖန်ခြင်းမပြုဘဲ လူတိုင်းအတွက် လုံခြုံနွေးထွေးတဲ့ရပ်ဝန်းဖြစ်အောင် တိုက်တွန်းလိုပါတယ်ရှင်။

တက်ရောက်လာသူတွေအနေနဲ့ ဖော်ပြပါ link ကနေ တဆင့် စာရင်းပေးသွင်းလို့ရပြီဖြစ်ပါတယ်။