ဇွန်လအတွက် ခေါင်းစဉ်က “Understanding Men With Trauma – စိတ်ဒဏ်ရာနဲ့အမျိုးသားများကို နားလည်ခြင်း” ဆိုတဲ့အကြောင်းအရာလေးပဲ ဖြစ်ပါတယ်။ ဇွန်လဟာ Pride Month လလည်းဖြစ်ပါတယ်။ အမျိုးသား၊ အမျိုးသမီး ဘယ်သူမဆို ဝမ်းသာခြင်း၊ ဝမ်းနည်းခြင်း၊ ပျော်ရွှင်ခြင်း ၊ ဒေါသထွက်ခြင်း၊ စိုးရိမ်ခြင်း၊ အားငယ်ခြင်းတို့ကို ထပ်တူထပ်မျှ ခံစားရပါတယ်။ အမျိုးသားမို့လို့ ၊ ယောကျာ်းလေးမို့ စိတ်ခံစားချက်တွေကို အလွယ်တကူ ထုတ်ပြခွင့်မရတဲ့အခါမှာ အမျိုးသားတွေဟာ စိတ်ထဲကြိတ်ခံစားပြီး စိတ်ဒဏ်ရာတွေ ရရှိဖို့ ပိုလွယ်ပါတယ်။

 

အမျိုးသားတွေဟာ အမျိုးသမီးတွေလိုပဲ လူသားတစ်ယောက်မို့ စိတ်ဒဏ်ရာတွေ ဖြစ်ပေါ်တတ်ကြပါတယ်။ အမျိုးသားတွေက ဆိုးဝါးတဲ့အခိုက်အတန့်တွေ ရှိတဲ့အခါ စိတ်ဒဏ်ရာတွေ ရရှိတတ်ကြပြီး အမျိုးသမီးတွေလို ဖွင့်ထုတ်ပြသဖို့မလွယ်တဲ့အခါ သူတို့ရဲ့ စိတ်ခံစားချက်တွေက ပိုပြီး ကြီးထွားလာနိုင်ကြပါတယ်။

 

အမျိုးသားတွေက ဘယ်လိုစိတ်ဒဏ်ရာတွေ ရှိလဲ၊ သူတို့ရဲ့စိတ်ဒဏ်ရာတွေကို ဘယ်လို သိရှိနိုင်လဲ၊ စိတ်ဒဏ်ရာပျောက်ကင်းအောင် ဘယ်လိုလုပ်ပေးသင့်လဲဆိုတဲ့အချက်တွေကို သိရှိနားလည်နိုင်စေဖို့ “Understanding Men With Trauma – စိတ်ဒဏ်ရာနဲ့အမျိုးသားများကို နားလည်ခြင်း” ဆိုတဲ့ Training Workshopလေးမှာ သင်ကြားမျှဝေပေးသွားမှာ ဖြစ်ပါတယ်။

 

သင်တန်းကို အမျိုးသား၊အမျိုးသမီး ဘယ်သူမဆိုတက်ရောက်နိုင်ပြီး စိတ်ဒဏ်ရာနင့်ပတ်သက်သော အသိပညာများကို စနစ်တကျလေ့လာချင်သူများ၊ လူမှုလုပ်ငန်းများမှာ ပါဝင်လုပ်ကိုင်နေပြီး စိတ်ကျန်းမာရေးကို အလေးပေးလုပ်ကိုင်နေသူများ၊ စိတ်ဒဏ်ရာရှိသည့် အမျိုးသားများအကြောင်းကို ပိုမိုနားလည်ပြီးကူညီချင်သူများ တက်ရောက်သင့်ပါတယ်။

 

သင်တန်းက လူကိုယ်တိုင်လာရောက် ပူးပေါင်းတက်ရောက်ရမယ့် သင်တန်းဖြစ်တာကြောင့် မဲဆောက်မြို့မှာ‌ ရောက်ရှိနေထိုင်တဲ့သူတွေ တက်ရောက်ဖို့အတွက် ဖိတ်ခေါ်ချင်ပါတယ်ရှင့်။ သင်တန်းသားအရေအတွက်(၂၀) ပဲ ကန့်သတ်ထားတာကြောင့် အမြန်ဆုံးစာရင်းပေးသွင်းဖို့ တိုက်တွန်းပါရစေရှင်။