Jue Jue’s Safe Space နဲ့ Wildflowers Community Support Centre တို့ ပူးပေါင်းပြီး Tea Talk – လက်ဖက်စကားအစီအစဉ်လေးကို ဒီတစ်ပတ်မှာတော့ စနေနေ့မှာ ကျင်းပသွားမှာ ဖြစ်ပါတယ်။

 

ရှေးမြန်မာလူမျိုးတွေရဲ့ နွေးထွေးတဲ့ ဓလေ့ထုံးတမ်း လက်ဖက်ရည်ကြမ်းစကားဝိုင်းလေးတွေကို မှီငြမ်းထားတဲ့ ကျွန်မတို့ရဲ့ လက်ဖက်စကားဝိုင်းမှာဆိုရင်လည်း မဲဆောက်နေ မြန်မာညီကိုမောင်နှမများ လူကိုယ်တိုင်တက်ရောက်ကြပြီး စိတ်ခံစားချက်တွေကို မျှဝေမယ်၊ အချင်းချင်းအားပေးမယ်၊ အချက်အလက်တွေကို မျှဝေမယ်၊ ပြီးတော့ တစ်ယောက်ကို တစ်ယောက်လက်တွဲကူပြီး ဒီစကားဝိုင်းကနေ တစ်ဆင့် နွေးထွေးလုံခြုံတဲ့ ရပ်ဝန်းကိုဖန်တီးနိုင်ဖို့အတွက် ရည်ရွယ်ပါတယ်ရှင်။

 

ဒီတစ်ပတ် လက်ဖက်စကားမှာ အဓိကဆွေးနွေးမယ့်အကြောင်းအရာကတော့ “အမျိုးသားများနဲ့စိတ်ကျန်းမာရေး” ဆိုတဲ့ ခေါင်းစဉ်နဲ့ ဆွေးနွေးမှာ ဖြစ်ပါတယ်။ အမျိုးသားတွေဟာ မိသားစုကို ဦးဆောင်ထမ်းပိုးရသူတွေ ဖြစ်တဲ့အလျောက် စိတ်ခံစားချက်တွေကို သိုဝှက်ထားရလေ့ရှိပါတယ်။ ကျွန်မတို့လူမှုအသိုင်းအဝိုင်းမှာ ယောကျာ်းလေးတွေကို ငယ်ငယ်ကတည်းက “ယောကျာ်းဆိုတာ မငိုရဘူး” “ယောကျာ်းဆိုတာ နာရင်တောင် ထုတ်မညည်းရဘူး” “ယောကျာ်းဆိုတာ မိန်းမတွေထက် သာနေမှရမယ်” စသဖြင့် ခံစားချက်ကို ဖိနှိပ်ထားခိုင်းလေ့ရှိပါတယ်။ သားတွေကိုလည်း သမီးတွေလို ဂရုစိုက်ပေးရမှာဖြစ်သလို အမျိုးသားတွေကိုလည်း အမျိုးသမီးတွေလို စိတ်ခံစားရတဲ့အတိုင်း လွတ်လပ်စွာ ပြသခွင့်ပေးရမှာ ဖြစ်ပါတယ်။

 

“အမျိုးသားများနဲ့စိတ်ကျန်းမာရေး” ဆိုတဲ့ ခေါင်းစဉ်လေးတဲ့ အတူ ဆွေးနွေးကြမှာဖြစ်တဲ့အတွက် ကျွန်မတို့ရဲ့ လက်ဖက်စကားကို လာရောက်ပါဝင်ဖို့ ဖိတ်ခေါ်ပါရစေရှင်။

 

တက်ရောက်လာသူတွေအနေနဲ့ ဖော်ပြပါ link ကနေ တဆင့် စာရင်းပေးသွင်းလို့ရပြီဖြစ်ပါတယ်။ 

Registration Link: Click Here

နေရာကတော့ Wildflowers Early Learning Center မှာဖြစ်ပါတယ်။