March 28, 2025 – Myanmar Earthquake Response

 

၂၀၂၅ ခုနှစ်၊ မတ်လ (၂၈) ရက်နေ့တုန်းက မြန်မာနိုင်ငံဟာ ပြင်းထန်တဲ့ ငလျင်ဘေးဒဏ်ကို ခံစားခဲ့ရပါတယ်။ မြန်မာနိုင်ငံက အဏာသိမ်းမှု နဲ့ မိုခါ ဆိုင်ကလုန်းဒဏ်တွေကြံ့ကြံ့ခံနေရာက ယခုအခါ ငလျင်ကြောင့် ပြည်သူတွေဟာ ထပ်မံလို့ အိမ်ခြေယာမဲ့ ဖြစ်တာတင်မကပဲ စိတ်ဒဏ်ရာတွေ ၊ စိုးရိမ်ပူပန်မှုတွေနဲ့ ဝမ်းနည်းစရာ အဖြစ်အပျက်တွေကိုရင်ဆိုင်နေကြရပါတယ်။

 

ကျွန်မတို့ Jue Jue's Safe Space အဖွဲ့အစည်းအနေဖြင့် စိတ်ဒဏ်ရာပျောက်ကင်းသက်သာရေးဟာ အားလုံးစုပေါင်းကြိုးပမ်းမှုနဲ့သာ အစပြုနိုင်မယ်လို့ယုံကြည်ထားပါတယ်။ ၂၀၁၉ ခုနှစ်ကနေ စလို့ အမေရိကန်နိုင်ငံ ဟာဝိုင်အီပြည်နယ်၊ မြန်မာနိုင်ငံနဲ့ အရှေ့တောင် အာရှမှာရှိတဲ့ လူမှု အသိုင်းအဝိုင်းတွေကို ဒေသယဥ်ကျေးမှုနဲ့ကိုက်ညီတဲ့ တိုင်ပင်ဆွေးနွေးပေးတဲ့ (Counseling) လုပ်ငန်းတွေ ၊ Peer Support Training ၊ Suicide Prevention Training တွေအပြင် စိတ်ဒဏ်ရာ အသိပညာပေးလုပ်ငန်းတွေကို စဉ်ဆက်မပြတ် ဆောင်ရွက်ခဲ့ပါတယ်။

 

အခုအခါမှာလည်း ငလျင်ဘေးဒဏ် ခံစားနေရတဲ့ မြန်မာပြည်အတွက် ကျွန်မတို့ရဲ့ ပြန်လည် ထူထောင်ရေးမှာ စိတ်ကျန်းမာရေး အခန်းကဏ္ဍကို တစိတ်တစ်ဒေသအနေနဲ့ ပိုမိုချဲ့ထွင်နေကြတာဖြစ်လို့ မြန်မာနိုင်ငံနဲ့ ကမ္ဘာတစ်ဝှမ်းလုံးမှာရှိကြတဲ့ စိတ်ကျန်းမာရေးပညာရှင် ၊ စိတ်ရောဂါကုဆရာဝန်၊ လူမှုဝန်ထမ်းတွေ အားလုံးကို စိတ်ကျန်းမာရေး ပြန်လည်ထူထောင်ရေး အရေးပေါ်လုပ်ငန်းတွေမှာ ပူးပေါင်းပါဝင်နိုင်ဖို့ ဖိတ်ခေါ်အပ်ပါတယ်။

 

ဒေသတွင်း ကွင်းဆင်းလုပ်ကိုင်နိုင်သူ၊ သင်တန်းပို့ချပေးနိုင်သူများနှင့် ပညာရပ်ဆိုင်ရာ လိုအပ်ချက်များမျှဝေပေးနိုင်သူ ၊ မည်သည့်ပုံစံနဲ့မဆိုပူးပေါင်းပါဝင်နိုင်ပြီး ကျွန်မတို့ မြန်မာ ပြည်သူပြည်သားများရဲ့ အခက်အခဲကို သက်သာစေရန်နှင့် ပြန်လည်ထူထောင်ရေးအတွက် စိတ်ကျန်းမာရေးထောက်ပံ့ အကောင်းဆုံးမျှော်လင့်ချက်တွေကို ပေးနိုင်စေရန် ရည်ရွယ်ထားပါတယ်။

ဒါ့ကြောင့် စိတ်ဒဏ်ရာ တွေကို မျှော်လင့်ချက်တွေအဖြစ်ပြောင်းလဲနိုင်ဖို့ ကျွန်မတို့အဖွဲ့စည်းနဲ့အတူ ပူးပေါင်းဆောင်ရွက်ကြပါစို့။

 

ဒါ့ကြောင့် စိတ်ဒဏ်ရာ တွေကို မျှော်လင့်ချက်တွေအဖြစ်ပြောင်းလဲနိုင်ဖို့ ကျွန်မတို့အဖွဲ့စည်းနဲ့အတူ ပူးပေါင်းဆောင်ရွက်ကြပါစို့။

ဆက်သွယ်ရန် -

ပါဝင်လိုပါက Facebook Messenger နှင့် [email protected] သို့ ဆက်သွယ် စာပို့နိုင်ပါတယ်။