ကျွန်မတို့လူ့အသိုင်းအဝိုင်း အထူးသဖြင့် အာရှသားတွေရဲ့ ယဉ်ကျေးမှုနဲ့ ထုံးတမ်းစဉ်လာအရ အမျိုးသားတွေဟာ အမျိုးသမီးတွေထက်ပိုပြီး သာလွန်တယ်၊ အမျိုးသားတွေက အမျိုးသမီးတွေလို စိတ်ခံစားချက်တွေကို အလွယ်ထုတ်မပြရဘူး၊ အမျိုးသားတစ်ယောက်အနေနဲ့ ပျော့ညံ့လို့မဖြစ်ဘူး၊ အမျိုးသားတွေဟာ ဝမ်းနည်းမှုမရှိရဘူး၊ စတဲ့အတွေးအခေါ်တွေကို ငယ်စဉ်ကတည်းက ရိုက်သွင်းခံထားရတာ များပါတယ်။

 

ဒါကြောင့် ဒီတစ်ပတ်ရဲ့ Friday Live အစီအစဉ်လေးမှာ အမျိုးသားတွေမှာရော ခံစားချက်ထုတ်ဖော်ခွင့်မရှိဘူးလား၊ အမျိုးသားတွေမှာ စိတ်ဒဏ်ရာရှိတတ်လား၊ အမျိုးသားတွေက စိတ်ခံစားမှုတွေကို ဘယ်လိုနည်းနဲ့ ပြသတတ်ကြလဲ ဆိုတဲ့အကြောင်းအရာလေးတွေ ဆွေးနွေးသွားမှာ ဖြစ်ပါတယ်။

 

ဒါကြောင့် Jue Jue’s Safe Space ရဲ့ ပရိသတ်တွေအနေနဲ့လည်း“Understanding Men With Trauma : အမျိုးသားများရဲ့စိတ်ဒဏ်ရာကို နားလည်ခြင်း”အစီအစဉ်လေးမှာ သိချင်တာ မေးမြန်းချင်တာ ရှိရင် ပါဝင်ဆွေးနွေးဖို့ မေးခွန်းလေးတွေ ပို့ထားလို့ ရသလို ကိုယ်တိုင်စောင့်ကြည့် ဝင်ရောက်ဆွေးနွေးဖို့လည်း အားလုံးကို ဖိတ်ခေါ်ပါတယ်။

Live မှာ ပါဝင်ဆွေးနွေးပေးသွားမယ့်သူတွေကတော့ ဆရာဝန်တစ်ဦးလည်း ဖြစ်သလို Lay Counselor တစ်ဦးဖြစ်တဲ့ Mental Health Provider Dr. Yan Naung နဲ့ Jue Jue’s Safe Space က သင်တန်းဆရာမ တစ်ဦးဖြစ်တဲ့ ဆရာမ Moe Thae တို့က ဆွေးနွေးပေးသွားမှာ ဖြစ်ပါတယ်။

 

ရက်စွဲ : ၁၃.၆.၂၀၂၅ (သောကြာနေ့)

အချိန် : ညရှစ်နာရီ (မြန်မာစံတော်ချိန်)

Live ပြုလုပ်မည့်နေရာ – Jue Jue’s Safe Space Youtube Channel 

မေးမြန်းချင်တာတွေ ၊ သိလိုတာတွေရှိရင် comment မှာရေးပေးလို့ရသလို Chat Box မှာလည်း ကြိုတင်မေးခွန်းများပို့ကာ မေးမြန်းထားနိုင်ပါတယ်။

#JueJuesSafeSpace #JJSS #MentalHealth #Men #Menwithtrauma