ယခုအချိန်မှာ ငလျင်ဒဏ်သင့်ဒေသတွေဆီကိုယ်တိုင်ကိုယ်ကျမြေပြင်ထိသွားရောက်မကူညီနိုင်လို့ မိမိကိုယ်ကို အားမလိုအားမရဖြစ်နေသူတွေကို ကျွန်မတို့ရဲ့မေတ္တာစာပေးပို့ခြင်းကမ်ပိန်းမှာပါဝင်ဖို့ ဖိတ်ခေါ်လိုက်ပါရစေ။

 

အခုလိုပင်ပန်းဆင်းရဲတဲ့အချိန်ကာလကိုဖြတ်သန်းနေရသူတွေဟာ ရုပ်ပိုင်းဆိုင်ရာအထောက်အပံ့သာမက စိတ်ပိုင်းဆိုင်ရာခွန်အားလဲများစွာလိုအပ်နေကြပါတယ်။

မြေပြင်ကိုကိုယ်တိုင်မသွားရောက်နိုင်ပေမယ့် ငလျင်ဘေးအန္တာရာယ်ကြုံတွေ့ခဲ့ရတဲ့ပြည်သူတွေကို မိမိရင်ထဲက နွေးထွေးတဲ့စကားသံတွေနဲ့စာလေးတွေပေးပို့ပြီး အတူတူရှိနေကြောင်းပြသတာဟာ စိတ်ပိုင်းဆိုင်ရာကိုကြီးမား တဲ့ခွန်အားတစ်ရပ်ဖြစ်စေမှာမို့အခုပဲပါဝင်လိုက်ရအောင်နော်။

 

“မေတ္တာစာပေးပို့ခြင်းကမ်ပိန်း”အစီအစဉ်ကနေတစ်ဆင့် စာရွက်ပေါ်မှာ လက်ရေးနဲ့ရေးပြီးဖြစ်ဖြစ်၊ ဓာတ်ပုံရိုက် ပြီးပဲဖြစ်ဖြစ်၊ Document fileနဲ့ပဲဖြစ်ဖြစ်ရေးသားထားတဲ့စာလေးတွေကို [email protected] သို့မဟုတ် Jue Jue’s Safe Space Page Messenger ကနေတစ်ဆင့် ဧပြီ လ(၃) ရက်ကနေ (၂၅) ရက်နေ့အထိ ရေးသားပေးပို့လို့ရကြောင် သတင်းကောင်းပါးအပ်ပါတယ်ရှင်။

 

မေတ္တာစာပေးပို့ခြင်းအပြင် ငလျင်ဒဏ်သင့်ပြည်သူတွေအတွက် ပူဆွေးသောကများ ကိုရင်ဖွင့် ဆွေးနွေးနိုင်ဖို့ Disaster Distress Helpline ကိုလဲဖွင့်လှစ်ထားပြီး (၂၄)နာရီပတ်လုံးအခမဲ့ကူညီကာ စိတ်ကျန်းမာရေး ဆိုင်ရာထောက်ပံ့မှုပြုလုပ်ပေးလျက်ရှိပါတယ်။

 

မေတ္တာစာလေးတွေပေးပို့ပြီးကြတဲ့သူလေးတွေကလဲcommentလေးတွေရေးသွားပေးကြပါဦးနော်။

စိတ်ပင်ပန်းနွမ်းနယ်စရာခက်ခဲတဲ့အချိန်ကာလတွေမှာကျွန်မတို့ Jue Jue’s Safe Spaceက သင်နဲ့အတူ ရှိနေပါတယ်။