အားလုံးပဲ မင်္ဂလာပါရှင်။

Jue Jue’s Safe Space နဲ့ Wildflowers Community Support Centre တို့ ပူးပေါင်းပြီး အပတ်စဉ်ပြုလုပ်နေကြ Tea Talk – လက်ဖက်စကားအစီအစဉ်လေးကို ဒီတစ်ပတ် စနေနေ့မှာ “စိတ်ရောကိုယ်ပါ ကျန်းမာအောင်နေမယ်”ဆိုတဲ့ ခေါင်းစဉ်နဲ့ ပြုလုပ်သွားမှာဖြစ်ပါတယ်။

ရှေးမြန်မာလူမျိုးတွေရဲ့ လက်ဖက်ရည်ကြမ်းစကားဝိုင်းလေးတွေကို Inspired ယူထားတဲ့ ကျွန်မတို့ရဲ့ လက်ဖက်စကားဝိုင်းမှာ မဲဆောက်နေ မြန်မာလူထုတွေ လူချင်းဆုံတွေ့ပြီး စိတ်ခံစားချက်တွေကို မျှဝေမယ်၊ အချင်းချင်းအားပေးမယ်၊ အချက်အလက်တွေကို မျှဝေမယ်၊ ပြီးတော့ တစ်ယောက်ကို တစ်ယောက်လက်တွဲကူပြီး နွေးထွေးလုံခြုံတဲ့ ရပ်ဝန်းကိုဖန်တီးနိုင်ဖို့ ရည်ရွယ်ပါတယ်ရှင်။

ဒီတစ်ပတ် လက်ဖက်စကားဝိုင်းမှာ အဓိကဆွေးနွေးမယ့်အကြောင်းအရာကတော့ “စိတ်ရောကိုယ်ပါ ကျန်းမာအောင်နေမယ်” ဆိုတဲ့ ခေါင်းစဉ်နဲ့ ဆွေးနွေးမှာ ဖြစ်ပါတယ်။ စိတ်သွားတိုင်း ကိုယ်ပါ, စိတ်ဆောင်မှ ကိုယ်အောင်တယ် ဆိုသလို စိတ်နဲ့ ကိုယ်ခန္ဓာဟာ အပြန်အလှန် အမှီသဟဲပြုနေကြပါတယ်။ စိတ်ကျန်းမာရေးက အရေးကြီးသလိုပဲ ခန္ဓာကိုယ်ကျန်းမာရေးကလည်း အရေးကြီးပါတယ်။ နာမကျန်းဖြစ်တဲ့အခါ၊ နာတာရှည်ဖြစ်တဲ့အခါ လူတွေဟာ ပျော်ရွှင်မှုမရှိတော့ဘဲ မိမိကိုယ်ကိုအဆုံးစီရင်ချင်စိတ်တွေ ဝင်လာတဲ့အထိ ဖြစ်တတ်ပါတယ်။ ဒါကြောင့် စိတ်ရောကိုယ်ပါ ကျန်းမာနေဖို့ ဘယ်လိုကြိုးစားကြလဲဆိုတာ မျှဝေဆွေးနွေးဖို့ ဒီတစ်ပတ်စကားဝိုင်းလေးကိုလည်း တက်ရောက်ကြဖို့ ဖိတ်ခေါ်ပါတယ်။