Jue Jue’s Safe Space နဲ့ Wildflowers Community Support Centre တို့ ပူးပေါင်းပြီး ပြုလုပ်တဲ့ လက်ဖက်စကားအစီအစဉ်လေးကို ဒုတိယအကြိမ် မဲဆောက်မြို့မှာ ထပ်ပြီး ပြုလုပ်သွားမှာ ဖြစ်ပါတယ်။

 

ဟိုးရှေးရှေးကတည်းက မြန်မာလူမျိုးတွေဟာ လက်ဖက်ရည်ကြမ်းဝိုင်းဖွဲ့ရင်း သတင်းအချက်အလက်ဝေမျှတာ၊ အချင်းချင်း စိတ်ခွန်အားပေးတာ၊ ရင်းနှီးသူတွေ တွေ့ဆုံစကားပြောကြတာတွေ လုပ်လေ့ရှိပါတယ်။

 

ကျွန်မတို့ရဲ့ လက်ဖက်စကားဝိုင်းမှာလည်း မဲဆောက်နေ မြန်မာလူထုတွေ ကိုယ်တိုင်တက်ရောက်စုဝေးပြီး မိမိတို့ရဲ့စိတ်ခံစားချက်တွေကို မျှဝေမယ်၊ အချင်းချင်းအားပေးမယ်၊ အချက်အလက်တွေကို မျှဝေမယ်၊ ပြီးတော့ တစ်ယောက်ကို တစ်ယောက်လက်တွဲကူပြီး နွေးထွေးလုံခြုံတဲ့ ရပ်ဝန်းကိုဖန်တီးနိုင်ဖို့ ရည်ရွယ်ပါတယ်ရှင်။

 

ဒီတစ်ပတ် လက်ဖက်စကားဝိုင်းမှာ အဓိကဆွေးနွေးမယ့်အကြောင်းအရာကတော့ “ဝင်ငွေမကောင်းလို့ စိတ်ဓာတ်ကျနေလား” ဆိုတဲ့ ခေါင်းစဉ်ကို ဆွေးနွေးမှာ ဖြစ်ပါတယ်။ နယ်စပ်ရောက် မြန်မာတွေအနေနဲ့ အလုပ်အကိုင်အခွင့်အလမ်းနဲ့ ဝင်ငွေကြောင့် စိတ်သောက ရောက်နေကြတာ အားလုံးအသိပဲ ဖြစ်ပါတယ်။ ဒီပြဿနာနဲ့ပတ်သတ်ပြီး ပွင့်ပွင့်လင်းလင်းဆွေးနွေးရင်ဖွင့်ရင်း အချင်းချင်းအားပေးကြရင်း အလုပ်အကိုင်အခွင့်အလမ်းနဲ့ သက်မွေးဝမ်းကျောင်းပညာရပ်တွေ သင်ကြားနိုင်မယ့်အခွင့်အရေးတွေကိုလည်း အချင်းချင်းမျှဝေနိုင်ဖို့အတွက် ဒီတစ်ပတ်အစီအစဉ်လေးကို လာရောက်ပူးပေါင်းပါဝင်ပေးဖို့ ဖိတ်ခေါ်ပါတယ်။

 

တက်ရောက်လာသူတွေအနေနဲ့ ဖော်ပြပါ link ကနေ တဆင့် စာရင်းပေးသွင်းလို့ရပြီဖြစ်ပါတယ်။ 

Registration Link: Click here

နေရာကတော့ Wildflowers Early Learning Center မှာဖြစ်ပါတယ်။